१९ बैशाख, काठमाडौं । कुवेतमा नेपाली महिलाको चक्कु प्रहारबाट एक नेपाली युवकको हत्या भएको छ ।
लिभिङ टुगेदरका रुपमा सँगै बस्दै आएका उनीहरुले मद्यपान गरेका र सामान्य झगडाका क्रममा हात हालाहाल भएपछि ती युवतीले चक्कु प्रहार गर्दा युवाको घटनास्थलमै मृत्यु भएको बताइएको छ ।
चार वर्षदेखि अवैद्यानिक रुपमा सँगै बस्दै आएका तनहुँका खेम बिककी प्रेमिका माया गुरुङले मई १ का दिन झगडाका क्रममा चक्कु प्रहार गरेर विकको ज्यान लिएको बताइएको छ ।
घरेलु कामदारका रुपमा काम गर्ने मायाले पछिल्लो समय काम छोडेर खेमसँग बस्दै आएको बताइएको छ ।
उक्त घटनामा संलग्न रहेको आरोपमा अनुसन्धानका लागि मायालाई कुवेत प्रहरीले हिरासतमा लिएको नेपाली दूतावास कुवेतले जनाएको छ ।
नेपाली दूतावासका अनुसार उक्त घटनाको आधिकारीक जानकारी लिएर कानुनी प्रक्रिया अघि बढाइने बताएको छ । मुतक विकको शब परीक्षणका लागि सम्बन्धीत निकायमा राखिएको छ ।
वि.सं.२०७६ वैशाख १९ बिहीवार १३:३५ मा प्रकाशित
