हामी सबैकाे संसारन्यूज

१ जेठ, रौतहट । कटहरियामा आयोजित जानकी जयन्ती समारोहमा सोमबार विद्यार्थी पानी खोज्दै भौतारिरहेका थिए ।

करिब ४० डिग्री सेन्डिग्रेडको गर्मीमा हिँडेर आइपुगेका उनीहरु कार्यक्रमस्थलमा खानेपानीको व्यवस्था नहुँदा आकुल व्याकुल देखिन्थे । उपराष्ट्रपति नन्द बहादुर पुनको स्वागतका लागि अनिवार्य उपस्थित हुन पत्र काटिएपछि विद्यालयहरुले उनीहरुलाई ल्याएका थिए ।

कार्यक्रममा एक घण्टासम्म पैदल हिँडेर आएका विद्यार्थी पनि थिए । कतिपय विद्यार्थीले खाली खुट्टा हिँडेका थिए । कटहरिया १ स्थित भषेडवा माविका प्रधानाध्यापक राममंगल राय यादवले नगरपालिकाले विद्यालयका सबै कर्मचारी र छात्रछात्रालाई अनिवार्य उपस्थिति गराउन निर्देशन दिएकाले विद्यार्थीलाई ल्याउनु परेको बताए । बुधबारको कान्तिपुर दैनिकमा रौतहटबाट शिव पुरीले लेखेका छन् ।