हामी सबैकाे संसारन्यूज

१ जेठ, काठमाण्डौं । आन्तरिक राजस्व कार्यालय र करदाता सेवा कार्यालयका कर्मचारीले बुझेको करोडौं रकम हुण्डि मार्फत दिल्ली र अष्ट्रेलिया लैजाने गरेको पाइएको छ ।

प्रधानमन्त्री तथा मन्त्रिपरिष्द कार्यालयका एक अधिकारीले राजस्व र करदाता कार्यालयका कर्मचारीले व्यापारीबाट करोडौं रकम बुझेर सो रकम हुण्डिमार्फत् भारतको नोयडा र गुडगाउँ पठाउने गरेको गुनासो व्यापक रुपमा आइरहेको बताएका छ्न ।

राज्यकोषमा आउनुपर्ने करोडौं रुपैयाँ ठगी गरी व्यापारीहरुसँगको मिलेमतोमा राजस्व र करदाता कार्यालयका उच्च अधिकारीहरुले करोडौं रकम भारत तथा अष्ट्रेलिया पठाउने गरेको गुनासो आएपछि ती कर्मचारीमाथि छानविन र अनुसन्धान गर्न उच्च दबाब परेको छ ।

प्रधानमन्त्री कार्यालयका ती अधिकारीले प्रधानमन्त्री कार्यालय र अख्तियार दुरुपयोग अनुसन्धान आयोगसमक्ष यस विषयमा उजुरी आएको समेत बताए । बुधबारको राजधानी दैनिकबाट