हामी सबैकाे संसारन्यूज

१ जेठ, भैरहवा । २५ रुपैयाँमा खाना ! सुन्दा पत्यार नलाग्न सक्छ । तर, सत्य हो । भैरहवामा एक व्यवसायीले २५ रुपैयाँमै पेटभरी खाना खुवाउन थालेका छन् ।

भैरहवाका व्यवसायी रवि कुमार रौनियारले आफ्नी स्वर्गीय आमा मायादेविको सम्झनामा स्थापना गरेको मायादेवि च्यारिटेवल फाउन्डेशन अन्तर्गतको ‘अन्नपूर्ण भोजनालय’ मार्फत् खाना खुवाउने जमर्को गरेका हुन् । मंगलबारबाट खाना खुवाउन थालिएको छ । शाकाहारी खाना निम्न आय भएका वर्गलाई खुवाउने व्यवसायी रौनियारले उद्धेश्य राखेका छन् ।

‘२५ रुपैयाँमा निम्न आय वर्गलाई खाना खुवाउने हाम्रो उद्धेश्य हो, ’ उनले भने, ‘तर निम्न वर्गका लागि मात्रै नभई २५ रुपैयाँमा हामिले सबै वर्गलाई खुवाउँछौं ।’
विशेष गरी अस्पताल, सरकारी विद्यालय, मजदुलाई कार्यस्थलमा फाउन्डेशनले घुम्ती सेवाबाट खाना खुवाउने छ ।

‘पहिलो चरणमा १५–१५ दिनको फरकमा खाना खुवाउँछौं, व्यासायी रौनियारले भने, ‘ विस्तारै प्रत्येक दिन खाना खुवाउने हाम्रो योजना छ ।’

फाउन्डेशनले खानामा दाल, भात, तरकारी वा रोटि, तरकारी वा कहिले खीर, तरकारी त कहिले परौठा पालैपालो खुवाउने जनाएको छ । यो सेवा दिनमा ५ सय जनालाई उपलब्ध हुनेछ । बुधबारको अन्नपूर्ण दैनिकबाट