हामी सबैकाे संसारन्यूज

५ जेठ, काठमाण्डौं । यसवर्ष महँगीले नयाँ रेर्कड कायम गर्ने संकेत देखिएको छ । सामान्यता बजेट भाषण्पछि महँगी बढ्ने गर्दथ्यो । तर, यसपटक बजेटअघि नै बजार भाउ आकासिन थालेको छ । आगामी आर्थिक वर्ष ०७६÷७७ बाट कर्मचारीको तलब र बृद्धभत्ता बढ्ने घोषणा सरकारले गरिसकेको छ । यसकारण बजेटपछि मूल्यवृद्धि हुने निश्चित छ । तर, त्यसअघि नै महँगी बढ्दा उपभोक्ता आक्रान्त बनेका छन् ।
महँगीको सबैभन्दा धेरै असर हरियो तरकारीमा परेको छ । तरकारी तथा फलफूल महासंघका अध्यक्ष खोमप्रसाद घिमीरेका अनुसार यसवर्ष निरन्तर पानी परेका कारण तरकारी उब्जनी घटेको छ । ‘असिना पानीका कारण किसानले तरकारी राम्रो लगाउन पाएनन् । ‘त्यसकारण अहिले उपत्यकामा आपूर्ति घटेको छ,’ उनले भने, ‘भरातबाट आयात हुने तरकारी पनि मूल्य बढेर आएको छ ।’
खसीको मासु किलोकै २०० वृद्धि
अहिले बजारमा खसीको मासुको भाउ प्रतिकिलो २०० बढेको छ । एकमहिना अघि हजार ५० रुपैयाँ प्रतिकिलोसम्म रहेको खसीको मासुको भाउ अहिले एक हजार २ सय ५० रुपैयाँ पुगिसकेको छ ।
त्यस्तै टमाटरको भाउ पनि आकासिएको छ । शनिबार कालिमाटीको बजारमा टमाटर एक सय १० रुपैयाँ र किराना पसलमा १२० रुपैयाँ किलो रहेको थियो । आइतबारको नयाँपत्रिका दैनिकबाट