हामी सबैकाे संसारन्यूज

६ जेठ, काठमाडौँ । काठमाडौँको दक्षिणमा रहेको प्रसिद्ध धार्मिक स्थल दक्षिणकालि र चौकटदेवि जोड्ने केवलकार निमार्ण हुने भएको छ । यस सगैं काठमाडौँं उपत्यकामा केवलकारको संख्या थपिने भएको हो । काठमाडौँबाट नजिकै रहेको घुमघामका लागि उपयुक्त क्षेत्र दक्षिणकालीको धार्मिक महत्ज र रिफ्रेसमेन्ट दुबैलाई ध्यान दिएर केबलकार निर्माण गर्न लागेको चितवन कोइ प्रालिले जनाएको छ ।

दुई हजार मिटरमाथि रहेको टप स्टेसनबाट काठमाडौँको दृश्य सजिलै देख्न सकिन्छ। त्योसँगै हिमाल समेत हेर्न सकिन्छ। दक्षिणकाली प्रख्यात तिर्थस्थल समेत भएकाले यो परियोजना चल्ने देखेर केबलकार निर्माण गर्न लागेकोे निर्माण कम्पनिले जनाएको छ । केबलकारको टप स्टेसनमा पिकनिक स्पट समेत निर्माण गर्न लागेको कम्पनिको दाबी छ ।

मनकामना केवलकारमा सफल भएपछि हौसिएको कम्पनिले दक्षिणकालि चौकोटदेवि केवलकार बाहेक अन्य चारवटा केवलकार परीयोजना समेत निर्माण गर्ने जनाएको छ । कम्पनिले दक्षिणकालि चौकोटदेवि केवलकारको विस्तृत परियोजना रिर्पोट तयार पारीसकेको जनाएको छ ।
यसबाहेक कम्पनिले पाथिभरा, सराङ्गकोट, हेटौडा र पुम्दीकोटमा समेत केवलकार सन्चालन गर्ने भएको छ । सराङ्गकोटको अन्नपुर्ण केवलकार दंशैसम्म सञ्चालनमा ल्याउने तयारीमा कम्पनि रहेको बताइएको छ ।