हामी सबैकाे संसारन्यूज

१४ जेठ, काठमाडौँ । कालीमाटी फलफूल तथा तरकारी बजार कालीमाटीले केही कर्मचारी आवश्यक रहेको सूचना जारी गरेको छ ।

कालीमाटी फलफूल तथा तरकारी बजार विकास समितिले बढीमा १ वर्षका लागि खुल्ला प्रतियोगिता(करार) द्वारा पूर्ति गर्ने गरी ६ जना कर्मचारी आवश्यक रहेको सूचनामा जनाएको छ ।

लिखित, प्रयोगात्मक तथा अन्तरवार्ताका आधारमा जनशक्ति छनौट गरिने बताइएको छ । उक्त पदका लागि जेठ २८ गतेसम्म दरखास्त आह्वान गरिएको छ । काममा दैनिक ८ घण्टा खट्नु पर्दछ भने समय जुनसुकै बेला पनि हुन सक्ने छ । पाठ्यक्रम तथा दरखास्त फारमका लागि समितिको वेबसाइट www.kalimatimarket.gov.np बाट प्राप्त गर्न सकिनेछ ।