हामी सबैकाे संसारन्यूज

१६ जेठ, काठमाण्डौं । कृषि तथा वन विज्ञान विश्वविद्यालय र रजिष्ट्रारको कार्यालय रामपुर, चितवनले चेतावनी मिश्रित एवं कडा सूचना प्रकाशित गरेको छ ।

सो विश्वविद्यायलका रजिष्टारका नाउँमा विहिबार संप्रेषित सो सूचनामा कृषि तथा वन विज्ञान विश्वविद्यालय र यस अन्तर्गतका संकाय एवं निकायहरुमा कार्यरत शिक्षक तथा कर्मचारीहरु विश्वविद्यालयको पूर्व स्वीकृति विना अन्य संघ संस्था र कार्यालयहरुमा काम गर्न नपाउने व्यवस्था रहेकोमा यसलाई अटेर गरी विभिन्न संघ संस्था या कार्यालयहरुमा काम गरेको प्रति आफ्नो ध्यानाकर्षण भएको जनाएको छ ।

यसप्रकारको गतिबिधिबाट विश्वविद्यालयको शैक्षिक र प्रशासनिक कामकारबाहीमा बाधा पर्ने गरेकोले सोमा संलग्न शिक्षक तथा कर्मचारी एवं काम दिने संघसंस्था र कार्यालय समेत संलग्न नगराउन अनुरोध गर्दै गराएमा सम्बन्धीत व्यक्ति र संघसंस्थानै जवाफदेही हुने बताइएको छ ।