हामी सबैकाे संसारन्यूज

२० जेठ । रिलायन्स लाईफ इन्स्योरेन्स(Reliance Life Insurance Ltd.)ले साधारण शेयर(आइपिओ) खुलाउँदैछ । कम्पनीले प्रति कित्ता सय रुपैयाँ बराबरको ६३ लाख कित्ता साधारण शेयर निष्काशन गर्ने भएको हो ।

कम्पनीले शेयर निष्काशन प्रक्रियाका लागि सानिमा क्यापिटल लिमिटेड(Sanima Captial Ltd.)लाई निष्काशन तथा बिक्री प्रबन्धकको रुपमा नियुक्त गरेको छ । सम्झौतामा क्यापिटलको तर्फबाट प्रमुख कार्यकारी अधिकृत मनिष नारायण जोशी र इन्स्योरेन्सका तर्फबाट प्रमुख कार्यकारी अधिकृत प्रवीण रमण पराजुलीले हस्ताक्षर गरेका छन् ।

कम्पनीको अधिकृत पूँजी ३ अर्ब र जारी पुँजी २ अर्व १० करोड रहेकोमा जारी पूँजीको ३० प्रतिशतको हुन आउने रकम ६३ करोड बराबरको शेयर सर्वसाधारणमा सार्वजनिक निष्काशनका लागि छुट्याइएको छ ।