हामी सबैकाे संसारन्यूज

३० जेठ, काठमाडौँ । संघीय संसद्ले विषयगत समितिका सभापतिका लागि झन्डै ८ करोडका गाडी खरिद प्रक्रिया सुरु गरेको छ । अर्थमन्त्रालयले ११ वटा गाडी र दुई वटा अपांगमैत्री मोटरसाइकल किन्न सहमति दिएसँगै सचिवालयले खरिदप्रक्रिया अघि बढाएको हो ।
समितिका सभापतिले चढिरहेका गाडी पुराना र काम नलाग्ने भएको भन्दै सचिवालयले बारम्बार अर्थमन्त्रालयसँग बजेट मागेको थियो । जेठ २ गते अर्थमन्त्रीस्तरीय निर्णयले ६० लाखको सीमाभित्र रहेर ११ वटा गाडी किन्न सचिवालयलाई सहमति प्रदान गरेको थियो । अर्थले ११ गाडी र दुई अपांगमैत्री मोटरसाइकल किन्न ७ करोड ६० लाख निकासा दिएको सचिवालय स्रोतले बतायो । अपांगता भएका दुई सांसदलाई दिन सचिवालयले दुई अपांगमैत्री मोटरसाइकल किन्न लागेको हो । बिहीबारको अन्नपूर्ण पोस्टबाट