हामी सबैकाे संसारन्यूज

३० जेठ , पोखरा । सन्राइज बैंकले रुपागाउँपालिका र स्कुलअफबिजनेस, पोखरा विश्वविद्यालयको सहकार्यमा वित्तीय साक्षरता कार्यक्रम सम्पन्न गरेको छ । नेपाल सरकारको ‘समृद्धिसँग जोडौँ नाता, सबै नेपालीको बैंक खाता’ अभियानलाई निरन्तरता दिदैं, सन्राइज बैंकले बिहीबार रुपागाउँपालिका वडा नं. २ , थुम्कीमा साक्षरता कार्यक्रम सञ्चालन गरेको होे ।

कार्यक्रमको सुरुवात रुपागाउँपालिकाका अध्यक्ष नवराज ओझा र स्कुल अफ बिजनेस, पोखरा विश्वविद्यालयका डाइरेक्टर डा. रविन्द्र घिमिरेले गरेका हुन् । सबै नेपालीको बैंक खाता खोल्ने अभिप्रायले, सन्राइज बैंकको सन्राइजसमृद्धि बचत खाता यहि बैशाख १ गतेबाट शुभारम्भ भएको थियो । उक्त खाता अन्तर्गत बचतकर्ताहरुले सन्राइज बैंकमा खाता खोल्दा खातामा  १०० रुपैयाँ प्राप्त गर्दै आएका छन्।