हामी सबैकाे संसारन्यूज

८ असार । जल तथा मौसम अनुमान विभाग बाढी पूर्वानुमान महाशाखाले नारायणी, पश्चिम राप्ती, बबई र कर्णाली नदीमा बाढी आउन सक्ने भन्दै सर्तकता अपनाउन आग्रह गरेको छ । आज बिहानको बाढी पूर्वानुसार महाशाखाले जारी गरेको सूचना अनुसार ती नदिहरुमा पानीको बहाब बढ्ने हुँदा सर्तकता अपनाउन आग्रह गरिएको हो ।

गण्डकी प्रदेश, प्रदेश ५, कर्णाली प्रदेशका ३ पहाडी तथा चुरे क्षेत्रका साना खोलाहरुमा तिव्र वहाबको उच्च संभावना रहेको र पहिरोग्रहस्त क्षेत्रहरुमा लेदोसहित आकस्मिक सम्भावना भएको हुँदा भोली विहान सम्मै तराई र पहाडको वेसीहरुमा सतर्कता अपनाउन आग्रह गरिएको हो ।
सोमबार र मंगलबारभने जोखिम न्युन रहने पूर्वानुमान रहेको बताइएको छ ।

असार ८, २०७६ः
आज #गण्डकीप्रदेश_प्रदेश५_कर्णालीप्रदेशका #पहाडी_चुरे क्षेत्रका साना खोलाहरुमा तिव्र वहाबको उच्च संभावना!
भोली विहान सम्मै तराई र पहाडको वेसीहरुमा सतर्कता अपनाऔ।
ती प्रदेशका पहिरोग्रस्त क्षेत्रहरुमा लेदो सहित आकस्मिक वहावको सभावना समेत छ।
भोली र पर्सी जोखिम न्युन। pic.twitter.com/jcj7UlS6Z9

— Nepal Flood Alert! नेपाल बाढी सूचना! (@DHM_FloodEWS) June 23, 2019