Sansar News
९ असार, जापान । पूर्वमन्त्री, नेपाल कम्युनिष्ट पार्टी नेकपाकी प्रभावशाली महिला नेतृ तथा संघीय संसदका सदस्य पम्फा भुसालसहित तीन जना महिला सांसद आज टोकियो आईपुगेका छन् ।
यहि जुन २५ देखि तीन दिनसम्म टोकियोमा हुने ‘वुमन पोलिटीकल लिडर समिट’ का निम्ति नेपालका तर्फबाट भाग लिन उनीहरु टोकियो आइपुगेका हुन् ।
संसारका ८० भन्दा बढी मुलुकका महिला नेतृहरुको सहभागीता रहने सो समिटका निम्ति नेतृ भुषालसंगै सांसदद्वय धनकुमारी खतिवडा र उत्तोल तामाङ सहभागी हुनेछन् ।
उनीहरुलाई नेपाली राजदूतावासका उपनियोग प्रमुख कृष्णचन्द्र अर्यालले हानेदा विमानस्थलमा स्वागत गरेका थिए ।
महिला नेतृहरुको स्वागतार्थ तमुधीं जापानकी अध्यक्ष अनिता गुरुङ, प्रवासी एकता मञ्च जापानकी सजिना मोक्तान, दिपा घिमीरे र चन्द्रा केसी एनआरएनए कोषाध्यक्ष कालिका थापा, लगायत जनसम्पर्क समिति सम्बद्ध पदाधिकारीहरु बिमानस्थल पुगेका थिए ।
फोटो – सजना मोक्ताङ
वि.सं.२०७६ असार ९ सोमवार ०७:५० मा प्रकाशित
