Sansar News
१९ असार, पोखरा । ‘मान्छे बोक्सी हुन्न कहिल्यै’ भन्ने नाराका साथ राष्ट्रिय जागरण प्रतिष्ठान नेपालको आयोजना तथा गण्डकी प्रदेश सामाजिक विकास मन्त्रालयको संयोजनमा यहाँको दश जिल्लामा बोक्सीविरुद्घ अभियान सञ्चालन गरिएको छ ।
सो अभियानअन्तर्गत चेतनामूलक चलचित्र ‘अग्निदहन’ प्रदर्शन तथा चेतनामूलक गीत पनि प्रस्तुत गरिएको थियो । सोही बखत बोक्सी ऐन २०७२ पनि वितरण गरिएको थियो ।
यही असार ७ गतेदेखि मुस्ताङ, म्याग्दीको बेनी, बाग्लुङको काठेखोला, पर्वतको कुस्मा, स्याङजाको गल्याङ, तनहुँको भिमाद, लमजुङको मध्यनेपाल, गोर्खा, नवलपुरको कावासोती र कास्कीको माछापुच्छे« गाउँपालिकामा सो अभियान सञ्चालन गरिएको प्रतिष्ठानका अध्यक्ष कोविदशरण उपाध्यायले जानकारी दिए ।
आगामी दिनमा सो अभियानलाई तराईका जिल्लामा केन्द्रित गर्ने योजना रहेको उनकोभनाइ थियो । सामाजिक विकृतिका रुपमा रहेको सो प्रथाविरुद्ध अग्निदहन सशक्त सन्देशमूलक चलचित्र रहेको उनको भनाइ थियो । यसअघि अग्निदहन राष्ट्रपति, प्रधानमन्त्रीलगायत विभिन्न क्षेत्रका विशिष्ट व्यक्तिले अवलोकन गरेका थिए ।
सो अभियान सञ्चालनका लागि प्रतिष्ठानका अध्यक्ष उपाध्याय, संरक्षक भुवनेश्वर शर्मा पौडेल, सचिव रमा त्रिपाठी लगायतको टोली जिल्ला पुगेको थियो ।
वि.सं.२०७६ असार १९ बिहीवार १५:४२ मा प्रकाशित
