हामी सबैकाे संसारन्यूज

२ साउन, काठमाण्डौं । कैलालीको धनगढीमा बम विष्फोट हुँदा ५ जना घाईते भएका छन् ।
कैलालीको धनगढी उपमहानगरपालिका ३ सहिद गेटमा विष्फोट हुँदा ५ जना घाईते भएको बताइएको छ ।

सहिद गेटमा रहेको होटल निलममा विहिबार बेलुका पौने सातबजे भएको उक्त बम विष्फोटमा परि बझाङका राम सिंह, धनगढी ४ बोराडाडीका केशवराज पाण्डे, कन्चनपुर बेलौरी ५ का लक्ष्मण सेरला, मोबिन खान र जितेन्द्र यादव रहेको जिल्ला प्रहरीका कार्यालय धनगढीले जनाएको छ ।
घाईते मध्ये दुईजनाको अवस्था गम्भीर रहेको पनि प्रहरीले जनाएको छ । उनीहरुको स्थानीय महामेट्रो अस्पतालमा उपचार भइरहेको छ ।

धनगढी प्रहरी कार्यालयका डिएसपी तथा प्रवक्ता दक्ष कुमार बस्नेतका अनुसार प्रारम्भिक अनुसन्धानका क्रममा सानो टिफिन बक्समा रहेको बम पड्किएको पाइएको छ । ‘बम कसले पड्काएको भन्ने खुल्न सकेको छैन । अनुसन्धान भइरहेका छ’ डिएसपी बस्नेतले संसारन्युजलाई बताए ।

उनका अनुसार सोहि होटलमा खाजा खान गएकाहरु विस्फोटमा परेका हुन् । बम उनीहरुसँगै थियो वा अरुले पड्काएको हो भन्ने अनुसन्धान भइरहेको पनि डिएसपी बस्नेतले बताए ।