Sansar News
८ साउन, काठमाण्डौं । आइसीसी टि–ट्वान्टी विश्वकप क्रिकेटको एसिया क्षेत्र छनौटको अन्तिम चरणको खेलमा आज नेपाल र मलेसिया भिडदैछन् ।
सिंगापुरको इण्डियन एसोसियनको क्रिकेट मैदानमा बिहानै देखि सुरु हुने भनेको खेल वर्षाका कारण केही समय रोकिएको थियो । तर, अहिले खेल सुरु भएको छ । खेलमा नेपालले टस जितेर फिल्डीङ गरिरहेको छ ।
आजको खेलमा रोहित पौडेल मैदानमा आउनेछन् भने क्याप्टेन पारस खड्का नखेल्ने बताइएको छ । आजको खेल ९ ओभरको रहने बताइएको छ ।
मंगलबार कतारसँगको पहिलो खेलमा नेपाल ४ विकेटले पारजित भएको थियो ।
सोमबारदेखि सिंगापुरमा सुरु भएको आइसीसी टि–ट्वान्टी विश्वकप क्रिकेटमा नेपाल सहित ५ देश सहभागी रहेका छन् ।
वि.सं.२०७६ साउन ८ बुधवार ०९:३१ मा प्रकाशित
