हामी सबैकाे संसारन्यूज

१६ साउन, तुलसीपुर । नेपालमा २० वर्षअघि विवाह गर्न नपाइने कानुनी व्यवस्था छ । तर, प्रादेशिक अस्पताल तुलसीपुरमा २० वर्ष भन्दा कम उमेरमा आमा बन्ने किशोरीको सङ्ख्या भने डरलाग्दो छ । अस्पतालले उपलब्ध गराएको तथ्यांकअनुसार १४ –१५ वर्षको उमेरमा आमा बन्ने किशोरीको सङ्ख्या झन्डै ६ सय पुगेको छ ।

राप्ती प्रादेशिक अस्पताल तुलसीपुरका मेडिकल रेकर्डर कमल सुवेदीका अनुसार आर्थिक वर्ष २०७५ \०७६ मा अस्पतालमा सुरक्षित रुपमा सुत्केरी सेवा लिन आएका २ हजार ९ सय ९४ जनामध्ये ५ सय ८६ जना २० वर्षमुनिका छन् । उमेर नपुग्दै विवाह हुनेमा चौधरी र दलित समुदायका महिलाको सङ्ख्या अधिक छ ।

अघिल्लो आर्थिक वर्ष २०७४\०७५ मा २ हजार ५६ जनाले सुरक्षित सुत्केरी सेवा लिए पनि उमेर खुल्ने गरी रेकर्ड नराखिएकाले यति नै भन्न सक्ने अवस्था नभएको रेकर्डर सुवेदीले बताए । बिहीबारको राजधानी दैनिकबाट