हामी सबैकाे संसारन्यूज

६ मंसिर, काठमाण्डौं । व्यवस्थापिका संसद्का सदस्य धनराज गुरुङले साउनबाट लागू हुने गरी वृद्धि भएको आफ्नो तलब भत्ता भूकम्पपीडित राहत कोषमा जम्मा गरिदिन आग्रह गरेका छन् ।

व्यवस्थापिका संसद्लाई सोमबार पत्र काट्दै गुरुङले यस्तो आग्रह गरेका हुन् । उनले पत्रमा भनेका छन् ‘ भूकम्पपछि पुर्ननिर्माणका कार्यहरु अगाडी बढ्न नसक्नु र भूकम्पपीडितले राज्यबाट राहत पाउन नसकेको बेला आफ्नो तलब भत्ता आफैंले वृद्धि गर्नु नाजायज हो त्यसैले वृद्धि भएको आफ्नो तलव भूकम्पपीडित राहत कोषमा जम्मा गरिदिन आग्रह गरेको छु । सांसद् गुरुङ स्याङ्जाबाट नेपाली कांगे्रसका प्रत्यक्ष निर्वाचित सदस्य हुन् ।