Sansar News
२० साउन, काठमाडौं । खुँडा प्रहार गरी घाइते बनाएको अभियोगमा एकजना पक्राउ परेका छन् ।
त्रिपुरासुन्दरी गाउँपालिका- १ ब्रतौलागाँउ बस्ने जानुका बर्तौलालाई खुँडाले हानी घाइते बनाएको अभियोगमा सोही ठाउँ बस्ने ५० वर्षीय तेजनिधी बर्तौलालाई आइतबार साँझ प्रहरीले पक्राउ गरेको हो ।
तेजनिधीले मादक पदार्थ सेवन गरी जानुकालाई घाइते बनाएको खबर प्राप्त हुनासाथ ईलाका प्रहरी कार्यालय सल्यानटारबाट खटिएको प्रहरीले उनलाई खुँडा सहित पक्राउ गरेको हो । घाइते जानुकाको स्थानीय प्राथमिक स्वास्थ्य चौकीमा उपचार भइरहेको छ ।
यस सम्बन्धमा प्रहरीले थप अनुसन्धान गरिरहेको बताइएको छ ।
वि.सं.२०७६ साउन २० सोमवार १४:५५ मा प्रकाशित
