हामी सबैकाे संसारन्यूज

२१ साउन, काठमाडौँ । वैदेशिक रोजगारी र विभिन्न मुलुकमा अध्ययन गरी फर्किएका युवाले विशेष उपहार पाउने भएका छन् ।

नेपाल राष्ट्र बैंकले वैदेशिक रोजगारी र अध्ययनबाट फर्कने युवालाई असल कर्जामा दिइने ब्याजदरमा १ प्रतिशत घटाएर स्वदेशमै उद्यमी बन्नका लागि यस्तो उपहारको व्यवस्था गरेको हो ।

सोमबार निर्देशिका जारी गर्दै राष्ट्र बैंकले हाल कायम गरिएको ४ प्रतिशत ब्याजदरलाई ३ प्रतिशतमा झारेको हो । जसका कारण विभिन्न कारणले बाध्यतावश वैदेशिक रोजगारीमा गएर स्वदेश फर्किएर केही उद्यम गर्न चाहने नेपाली कामदारलाई निकै राहत हुने सम्बन्धित सरोकारवालाको भनाइ छ ।

वैदेशिक रोजगारीबाट फर्किएका कामदारलाई उद्यममा प्रोत्साहन गर्ने उद्धेश्यले असल कर्जामा लाग्ने ४ प्रतिशत ब्याजदरलाई १ प्रतिशत कम गरी ३ प्रतिशतको व्यवस्था गर्न निर्देशन दिएको राष्ट्र बैंकले जनाएको छ । मंगलबारको राजधानी दैनिकबाट