हामी सबैकाे संसारन्यूज

६ अगस्त, इटाली । गैरआवासीय नेपाली संघ (एनआरएनए) ले माल्टा, पोल्याण्ड र पोर्चुगलमा दूतावास स्थापनाको माग गरेको छ ।

इटालीको रोममा अगस्त ३ र ४ गते सम्पन्न संघको १२ औं युरोप क्षेत्रिय बैठकले यी तीन देशमा दूतावास स्थापना गर्न माग गरेको हो ।

कुटनीतिक मिशन सुरु नहुँदासम्म ती मुलुकहरुमा सहज र नजिक हुने म कुटनीतिक नियोगमा हस्तान्तरण गराउन समेत अनुरोध गर्दै बैठकको निर्णयको १३ नं बुँदामा भनिएको छ, ‘नेपालमा कुटनीतिक नियोग भएका युरेपियन युनियन (इयू) का मुलुकहरुले युरोपमा बसेको नेपालीहरुको पारिवारिक विवरण बुझ्नु परेमा नेपाल सरकारका निकायमार्फत् वा नेपालको सुरक्षा निकायसहित मात्र आउने व्यवस्था गर्न यो बैठक परराष्ट्र मन्त्रालयमार्फत यो बैठक अनुरोध गर्दछ ।’

त्यसैगरी संघले सोहि बुँदामा युरोपियन क्षेत्रीय बैठकमा बचेको रकम यूरोपमा आप्रवासी समस्यामा परेका नेपालीहरुको सहयोगको लागि स्थापना हुने यूरोप स्तरीय राहत कोषमा जम्मा गर्ने समेत जनाएको छ ।