Sansar News
२६ साउन, मोरङ । नेपाली सेनाको पूर्वी पृतनालय इटहरीमा कार्यरत सेनानी अजितप्रताप सिंह लागूऔषधसहित पक्राउ परेका छन् ।
प्रहरीले उनलाई शनिबार इटहरी –२ बाट ब्राउन सुगरसहित नियन्त्रणमा लिएको हो । इलाका प्रहरी कार्यलय इटहरीका डीएसपी समीरचन्द्र खरेलले सिंहको साथबाट डेढ ग्राम ब्राउनसुगर बरामद भएको जानकारी दिए ।
नेपाली सेनाका प्रवक्ता विज्ञानदेव पाण्डेले लागूऔषधसहित पक्राउ परेका सैन्य अधिकारीलाई पद घटुवादेखि बर्खास्तसम्मको कारबाही हुने बताए । पाण्डेका अनुसार पृतनाले मेजर सिंहलाई ब्यारेकमै थुनामा राखी कोर्ट अफ इन्क्वायरी गर्छ ।
दोषी ठहरिए कानुन विभागमा कारबाहीका लागि सिफारिस गर्छ । विभागले कोर्ट अफ इन्क्वायरीको प्रतिवेदन अध्ययन गरी कारबाही गर्नुपर्ने देखिए प्रधानसेनापतिलाई जाहेर गर्छ । त्यसपछि प्रधानसेनापतिले समरी सैनिक अदालत गठन गर्छन् । आइतबारको कान्तिपुर दैनिकबाट
वि.सं.२०७६ साउन २६ आइतवार ०७:३२ मा प्रकाशित
