Sansar News
२८ साउन, काठमाडौँ । नेपाल टेलिकमले ५३ मुलुकमा ९९ सेवा प्रदायकसँगको रोमिङ सेवा शुल्कमा एकैचाटी भारी छुट प्रदान गरेको छ ।
कम्पनीका जीएसएस मोबाइल ग्राहकका लागि उपलब्ध रोमिङ सेवामा यो सहुलियत प्रदान गरिएको हो ।
कम्पनीले ०७६ वैशाख १६ देखि जीएसएस प्रिपेड मोबाइल सेवाका ग्राहकका लागि पनि दुई छिमेकी मुलुकहरु चीन र भारतमा अन्तराष्ट्रिय रोमिङ सेवा उपलब्ध गराएको छ ।
जीएसएम प्रिपेड मोबाइल सेवामा कार्यान्वयनमा आइसकेको अन्तराष्ट्रिय रोमिङ सुविधा पश्चात भारतमा जाँदा नेपाल लगायत जुनसुकै मुलुककबाट आएको आगमन कलको शुल्क प्रतिमिनेट करसहित जम्मा १४ रूपैयाँ मात्र लाग्छ ।
यसैगरी भारतमा रहँदा उक्त सेवामार्फत नेपालमा वा भारतमा फोन गर्दा प्रतिमिनेट करसहित ३० रूपैयाँ लाग्नेछ भने जम्मा २४ रूपैयाँमा विश्वभर सन्देश पठाउन सकिनेछ । साथै निशुल्क सन्देश पनि प्राप्त गर्न सकिने कम्पनीले जनाएको छ ।
वि.सं.२०७६ साउन २८ मंगलवार ०७:५९ मा प्रकाशित
