Sansar News
२९ साउन, काठमाडौं । समाजवादी पार्टीले प्रतिनिधिसभामा सप्तरी १ बाट निर्वाचित सांसद सूर्यनारायण यादवलाई राजीनामा फिर्ता लिन दबाब दिएको छ ।
पार्टीलाई जानकारी नदिई यादवले सोमबार सभामुख कृष्णबहादुर महरासमक्ष राजीनामा दिएका हुन् । समाजवादी पार्टीका प्रमुख सचेतक उमाशंकर अरगरियाले उनलाई राजीनामा फिर्ता लिन आग्रह गरेको बताए । ‘स्वास्थ्यमा समस्या परे उपचारका लागि बिदा पस्न पाइन्छ, राजीनामा दिनुपर्दैन,’ उनले भने ।
सांसदको दलीय आबद्धतासमेत हुने भएकोले राजीनामा स्वीकृतिका लागि दलले समेत सभामुखलाई चिठी लेख्नुपर्छ । प्रमुख सचेतक अरगरियाले राजीनामा फिर्ता गर्न चिठी नपठाएको बताए ।
‘हामी राजीनामा फिर्ता गराउने कोसिसमा छौं,’ उनले भने । सांसद यादवले सोमबार राजीनामा दिएलगत्तै कान्तिपुरसँग मधुमेहलगायत रोगले च्यापेको र त्यसकै कारण काम गर्न अप्ठेरो भएकाले पद छोडेको बताएका थिए
वि.सं.२०७६ साउन २९ बुधवार ०७:४७ मा प्रकाशित
