Sansar News
३१ साउन, काठमाडौँ । स्वास्थ्य सेवा विभागअन्तर्गत व्यवस्थापन महाशाखाका पदाधिकारीको मिलेमतोमा औषधि आपूर्तिका क्रममा फर्जी बिल बनाएर झन्डै ३ करोड ४४ लाख रूपैयाँ अनियमितता गरेको देखिएको छ ।
विभागका व्यवस्थापन महाशाखाका निर्देशक रमेशप्रसाद अधिकारी, शाखा प्रमुख डा. सुरेन्द्रप्रसाद चौरसियालगायतको संलग्नतामा ३ करोड ४४ लाख ३२ हजार १५० रूपैयाको नक्कली बिल बनाएको कागजात राजधानी दैनिकले फेला पारेको छ ।
फरकफरक मितिमा एउटै दाखिला नम्बर चढाई औषधि आपूर्ति गरेको पाइएको हो, जुन कानुनसम्मत मिल्दैन ।
व्यवस्थापन महाशाखाकाअन्तर्गत एउटै सप्लार्यसले एक आर्थिक वर्षमा ठेक्का नम्बर एनसीवी नम्बर डीओएचएस\जी÷एनसीवी–४८\२०७४\७५ को रकम सम्बन्धमा ००७ नम्बरको बिललाई नियतपूर्वक दुईवटा फरकफरक मिति बनाई पेस गरिएको बिल ती पदाधिकारीहरुको मिलेमतोमा स्वीकृत गरेको पाइएको छ । शुक्रबारको राजधानी दैनिकबाट
वि.सं.२०७६ साउन ३१ शुक्रवार ०७:५१ मा प्रकाशित
