Sansar News
३१ साउन, काठमाडौँ । चिकित्सा शिक्षा आयोगको उपाध्यक्षका लागि ३ जनाको नाम सिफारिस भएको छ ।
सिफारिस समितिले पहिलो, दोस्रो र तेस्रो वरीयतामा क्रमशः प्राध्यापकहरु सुरेन्द्र शेरचन, शम्भुकुमार पहारी र श्रीकृण गिरीको नाम पठाएको हो ।
मन्त्रिपरिषद् बैठकले सिफारिसमध्येबाट उपाध्यक्ष छनोट गर्नेछ । आयोग उपाध्यक्षका लागि ११ जनाले दरखास्त दिएका थिए । शेरचन मानसिक अस्पतालका पूर्वनिर्देशक हुन् ।
वीर अस्पतालमा लामो समय काम गरेका पहारी मेडिकलेजका प्राध्यापकसमेत हुन् । हाडजोर्नी विशेषज्ञ गिरी चिकित्सा विज्ञान राष्ट्रिय प्रतिष्ठानका पूर्वरेक्टर हुन् । उपाध्यक्ष छान्न पहिलो पटकको दरखास्त आह्वान रद्द गर्दै साउन २० गते दोस्रोपटक दरखास्त माग गएिको थियो ।
पहिलो पटक ६ जनाले आवेदन दिएका थिए । दोस्रोपटक दरखास्त दिएका ११ मध्ये प्रमोदकुमार सर्राफ र जेएन पाण्डेयको दरखास्त सिफारिस समितिले सुरुमै रद्द गरेको थियो । शुक्रबारको कान्तिपुर दैनिकबाट
वि.सं.२०७६ साउन ३१ शुक्रवार ०७:३३ मा प्रकाशित
