Sansar News
३२ साउन, काठमाण्डौं । सेञ्चुरी कमर्सियल बैंक लिमिटेडको नायब प्रमुख कार्यकारी अधिकृत (डेपुटी सिइओ) मा मनोज न्यौपाने नियुक्त भएका छन् ।
बैंकको २८ साउनमा बसेको संचालक समितिको बैठकले २८ साउनदेखि नै लागू हुने गरी न्यौपानेलाई बैंकको नायब प्रमुख कार्यकारी अधिकृतमा नियुक्त गरेको हो ।
लक्ष्मी बैंकबाट बैंकिङ क्षेत्रमा प्रवेश गरेका न्यौपानेसँग हिमालयन बैंक र सनराईज् बैंकको १५ वर्षे अनुभव रहेको छ । सेन्चुरी बैंकमा व्यवसाय अधिकृत पदमा कार्यरत रहेका न्यौपाने बैंकको प्रमुख सूचना अधिकारी समेत हुन् ।
काठमाण्डौं विश्वविद्यालयबाट वाणिज्य शास्त्रमा स्नाकोत्तर गरेका न्यौपानेले आगामी दिनमा बैंकलाई अझ गतिशिल बनाएर अगाडि बढाउने विश्वास रहेको बैंकले जनाएको छ ।
वि.सं.२०७६ साउन ३२ शनिवार १४:०५ मा प्रकाशित
