हामी सबैकाे संसारन्यूज

८ मंसिर, दमक । पूर्व–पश्चिम राजमार्गको झापाको लखनपुर–१ सीतापुरीस्थित सडकखण्डमा मंगलबार साँझ दुईवटा मोटरसाइकल एकापसमा जुध्दा एक जनाको मृत्यु भएको छ भने अर्का एक गम्भीर घाइते भएका छन् ।

पूर्वबाट पश्चिमतर्फ आउँदै गरेको मे३प ७६३६ नम्बरको मोटरसाइकलले बाटो क्रस गर्दै गरेको मे२प ५५४५ नम्बरको मोटरसाइकललाई ठक्कर दिँदा २५ वर्षीय सचिन राईको मृत्यु भएको हो । दुर्घटनामा गम्भीर घाइते भएका मोटरसाइकल चालक राईको दमकस्थित लाइफलाइन अस्पतालमा उपचारका क्रममा साँझ साढे ७ बजे मृत्यु भएको हो ।

दुर्घटनामा अर्का मोटरसाइकलका चालक लखनपुर–५ का सुरेस माझी गम्भीर घाइते भएका छन् । घाइते माझीको विराटनगरस्थित न्युरो अस्पताल विराटनगरमा उपचार भइरहेको इलाका प्रहरी कार्यालय दमकले जनाएको छ ।