हामी सबैकाे संसारन्यूज

१ भाद्र, काठमाण्डौं । बनेपा नगरपालिका वडा नं ११ काभ्रेका सव इन्जिनियर आकाश श्रेष्ठ घुस रकमसहित पक्राउ परेका छन् ।

बनेपा नगरपालिका वडा नं ११ मा करारमा कार्यरत श्रेष्ठले भूकम्पले भत्काएको घर निर्माणका लागि दिइएको राहतको किस्ता रकम निकासीका लागि गरिएको स्थलगत निरीक्षणका बेला प्रतिवेदन तयार गर्ने निहुँमा सेवाग्राहीसँग २५ हजार घुस मागेका थिए ।

अख्तियार दुरुपयोग अनुसन्धान आयोगको केन्द्रीय कार्यालय टंगालबाट खटिएको टोलीले इन्जिनियर श्रेष्ठले घुबापतको २५ हजार रकम सेवाग्राहीसँग लिइसकेको अवस्थामा पक्राउ गरेको जनाएको छ ।

आयोगले श्रेष्ठलाई बनेपा नगरपालिका वडा नं ८ नाला दोबाटो बनेपामा रहेको द किचन भान्साघर एण्ड रेष्टुरेण्टबाट उक्त रकमसहित रंगेहात पक्राउ गरेको जनाएको छ ।