हामी सबैकाे संसारन्यूज

३ भाद्र, धादिङ । धादिङबेसीमा १८० औं अन्तर्राष्ट्रिय फोटोग्राफी दिवस भव्य रुपमा सम्पन्न भएको छ ।
राष्ट्रिय फोटो पत्रकार समुह,एनएफपीजे नेपाल र नेपाल फोटो पत्रकार संघ धादिङको संयुक्त आयोजनामा धादिङबेसीमा अन्तर्राष्ट्रिय फोटोग्राफी दिवस मनाएको थियो भने नीलकण्ठ नगरपालिका प्रमुख भिम प्रसाद ढुङ्गानाले फोटो खिचेर उद्घाटन गरेका थिए र उक्त कार्यक्रममा राष्ट्रिय फोटो पत्रकारहरु, काठमाडौ, मकवानपुर, नुवाकोट धादिङका फोटो पत्रकारहरुको सहभागिता रहेको थियो ।

अन्तर्राष्ट्रिय फोटोग्राफी दिवसको अवसरमा धादिङबेसीमा भएको उक्त कार्यक्रममा थुपै्र फोटो पत्रकारहरूको उपस्थिती रहेको थियो ।
नेपाल फोटो पत्रकार संघ धादिङको अध्यक्ष नारायण सिलवालको सभापतित्वमा भएको अन्तर्राष्ट्रिय फोटोग्राफी दिवस विशेष कार्यक्रममा प्रमुख अतिथि समेत रहेका नगर प्रमुख ढुङ्गानाले फोटो पत्रकारहरु समाजका परिवर्तनका संवाहक भएको बताउँदै हरेक मोर्चाको अग्रभागमा देखा पर्ने फोटो पत्रकारहरुलाई अझै राज्यले बुझ्न नसकेको प्रति चिन्ता समेत व्यक्त गरेका थिए ।
यस्तै राष्ट्रिय फोटो पत्रकार समुहका केन्द्रिय अध्यक्ष राजेन्द्र चित्रकारले फोटो पत्रकारिता गर्न सहज र सजिलो नभएको तर पछिल्लो समय बढेर गएको फोटो पत्रकारिताको आकर्षण प्रति प्रशंसा गर्दै अन्तराष्ट्रिय फोटोग्राफी दिवसको शुभकामना दिएका थिए ।