हामी सबैकाे संसारन्यूज

४ भाद्र, काठमाण्डौं । नेपाल भारत संयुक्त बैठकमा सहभागी हुन काठमाण्डौं आएका भारतीय विदेशमन्त्री एस जयशंकर नेपाल आउनासाथ राजनीतिक भेटघाटमा जुटेका छन् ।

बुधबार दिउँसो १२ बजे त्रिभुवन विमानस्थलमा उत्रिएका मन्त्री जयशंकरले प्रधानमन्त्री केपी शर्मा ओलीसँग प्रधानमन्त्री निवास बालुवाटारमा पुगेर शिष्टाचार भेटवार्ता गरेका छन् ।

भारतीय विदेशमन्त्रीको जिम्मेवारी सम्हालेपछि पहिलो विदेश भ्रमण नेपालबाट सुरु गरेका जयशंकरले नेपालस्थित भारतीय राजदूतावासका राजदूत मञ्जिवसिंह पुरी सहित प्रधानमन्त्रीसँगको शिष्टाचार भेटका लागि बालुवाटार पुगेका थिए । उक्त भेटवार्तामा प्रधानमन्त्री ओलीका प्रमुख राजनीतिक सल्लाहकार विष्णु रिमाल, परराष्ट्र सल्लाहकार राजन भट्टराई, परराष्ट्र सचिव शंकरदास वैरागी लगायतलाई भेटेको बताइएको छ ।

नेपाल–भारत दुईपक्षीय समग्र विषयमा छलफल गर्नका लागि २५ सदस्यीय उच्च अधिकारीको नेतृत्व गर्दै काठमाण्डौं आएका विदेशमन्त्री जयशंकरले राष्ट्रपति भोली विहिबार विद्यादेवी भण्डारीसँग शिष्टाचार भेट गर्ने, भारतीय दूतावासमा राजनीतिक भेटवार्ता गर्नेलगायतका कार्यक्रम रहेको पनि बताइएको छ ।

तीनवर्षपछि आयोजना हुन लागेको उक्त वैठकमा दुवै देशका परराष्ट्रमन्त्रीहरु प्रदीप ज्ञवाली र जयशंकरले आ–आफ्नो धारणा राखेपछि छलपल गरिने बताइएको छ । विहिबार सकिने उक्त बैठकमा विभिन्न पाँच कलस्टरमा छलफल गरिने छ ।

फाइल : फोटो