हामी सबैकाे संसारन्यूज

५ भाद्र, काठमाण्डौं । प्रधानमन्त्री केपी शर्मा ओली उपचारका लागि सिंगापुर गएका छन् ।

विहिबार १ बजे थाइ एयरबाट सिंगापुर प्रस्थान गरेका प्रधानमन्त्री ओलीको सिंगापुरस्थित न्यासनल युनिभर्सिटी अस्पताल (एसएनयू) मा स्वास्थ्य परीक्षण गरिने ओलीका निजि चिकित्सक डा. दिव्या सिंहले बताएकी छन् ।

सिंगापुरमा न्यासनल युनिभर्सिटी अस्पतालमै नेपाली चिकित्सकका साथमा त्यहाँका विज्ञहरुको टोलीले प्रधानमन्त्री ओलीको मिर्गौला परीक्षण र क्षमता अभिवृद्धिका लागि आवस्यक उपचार समेत गरिने डा. सिंहद्धारा जारी विज्ञप्तिमा जनाइएको छ ।

‘प्रधानमन्त्रीमा मिर्गौला सम्बन्धी एण्टिबडीको मात्रा केही बढी देखिन गएको थियो,’ उक्त विज्ञप्तिमा भनिएको छ,‘ एण्टीबडीलाई शरीरबाट निस्कासन गरी निराकरण गर्ने उपचार विधिलाई निरन्तरता दिन उहाँ त्यसतर्फ लाग्नु भएको हो ।’