Sansar News
११ भदौ,काठमाडौँ । केन्द्रीय सरकारका विभिन्न मन्त्रालय तथा निकायमा लामो समयदेखि झन्डै ७ हजार कर्मचारीको दरबन्दी रिक्त रहेको छ ।
केन्द्रीय सरकारमै त्यति धेरै कर्मचारी अभाव हुँदा पनि संघीय मामिला तथा सामान्य प्रशासन मन्त्रालयले पदपूर्ति प्रक्रिया भने थाल्न सकेको छैन । कर्मचारी अभाव हुँदा नीति र निर्माण तहदेखि सेवा प्रवाहसम्ममा समेत गम्भीर समस्या परिरहेको अधिकारीहले बताएका छन् ।
संघीय मामिला तथा सामान्य प्रशासन मन्त्रालयका अनुसार हाल केन्द्रीय सरकारमा खरिदारदेखि सहसचिवसम्मका विभिन्न सेवा समूहमा गरी ७ हजार पद रिक्त रहेका हुन् । जसअनुसार नीतिगत तहमा महत्वपूर्ण भूमिकामा रहने सहसचिवमा मात्रै १६३ पद रिक्त छ ।
यसैगरी ३ सयको सङ्ख्यामा उपसचिव र ६ सयको सङ्ख्यामा शाखा अधिकृत पद रिक्त रहेको मन्त्रालयले जनाएको छ । बुधबारको राजधानी दैनिकबाट
वि.सं.२०७६ भदौ ११ बुधवार ०७:१८ मा प्रकाशित
