हामी सबैकाे संसारन्यूज

१६ भदौ, काठमाण्डौं । नेपाली बैंकको सिस्टम विदेशी ह्याकरको कब्जामा पर्न थालेको छ ।

एटिएमका पिन नम्बर ह्याक गरेर ग्राहकको बैंक खाताबाट पैसा झिक्ने विदेशी ह्याकर मध्ये चिनियाँ आपराधिक समूह बढी सक्रिय भएको छ । प्रहरीले आइतबार पाँच चिनियाँ नागरिकलाई १ करोड २६ लाख ४५ हजार नेपाली रुपैयाँसहित सार्वजनिक गरेको सोमबारको राजधानी दैनिकमा समाचार छ ।

उनीहरुले शनिबार काठमाण्डौंको दरबारमार्गस्थित नविल बैंकको एटिएम मेसिन प्रयोग गरी रकम झिकेका थिए । प्रहरीले उनीहरुको साथबाट १ करोड २६ लाख ४५ हजार नेपाली रुपैयाँ र केही विदेशी रकम समेत बरामद गरेको जनाएको छ ।

एटिएमबाट रकम झिक्ने क्रममा एक चिनियाँ नागरिक पक्राउ परेपछि उनी बसेको होटलबाट ४ जनालाई प्रहरीले पक्राउ गरेको हो ।