हामी सबैकाे संसारन्यूज

ज्योतिषले बिहीबार साइत हेरेर मङ्सिर २० गते ल्याउनु उपयुक्त भएको बताएका छन् । मछिन्द्रनाथको साइत हेर्दै आउनुभएका कीर्तिकिरण जोशीले धान्य पूर्णिमाभन्दा पहिले नै देवतालाई पाटन ल्याउने गरिएको बताउनुभयो ।

बुङमतीको मछिन्द्रनाथको मन्दिरमा देवता रहेकामा पाटन ल्याएपछि मछिन्द्रबहालस्थित मछिन्द्रनाथको मन्दिरमा राखिन्छ । उहाँले भन्नुभयो, “मङ्सिरको बिहीबार साइत हेरेर मङ्सिरमा नै देवतालाई पाटन ल्याउने गरिएको छ ।” उपत्यकाको सबैभन्दा लामो जात्राका रुपमा रहेको मछिन्द्रनाथको जात्रा ६ महिनासम्म सञ्चालन हुने गरेको छ ।

देवता ६÷६ महिना पाटन र बुङमती रहने गर्छन् । बुङमतीमा रहँदा महिनामा एकपटक मात्रै पूजा हुने गरेपनि पाटनमा विभिन्न किसिमका पर्व÷जात्रा सञ्चालन हुने गर्छन् । देवता पाटनमा ल्याएपछि नै काठ काट्ने, रथ बनाउने लगायतका तयारी सुरु हुने गुठी संस्थान, ललितपुर शाखाका प्रमुख बैकुण्ठ आचार्यले बताउनुभयो ।

मछिन्द्रनाथ जात्राका लागि वर्षमा दुईपटक साइत हेर्ने गरिएको छ । बुङमतीबाट पाटन ल्याउनका लागि एकपटक र भोटो जात्रा हुने समयमा लगनखेलबाट जावलाखेल लैजानका लागि अर्काे पटक साइत हेर्ने गरिन्छ । लगनखेलबाट जावलाखेल देवता पु¥याएको चारदिन पछि भोटो जात्रा सञ्चालन हुने गरेको छ । रासस