हामी सबैकाे संसारन्यूज

२० भदौ, काठमाडौँ । सन्राइज बैंकले रामेछापको मन्थलीमा शाखा विस्तार गरेको छ ।

आफ्ना ग्राहकलाई सेवा सुविधा उपलब्ध गराउने उद्देश्यले बैंकले देशका विभिन्न भागमा शाखा विस्तार गर्ने क्रममा रामेछापको मन्थलीमा १२२ औं शाखा सञ्चालनमा ल्याएको हो ।

बिहीबार आयोजित कार्यक्रममा मन्थली नगरपालिकाका मेयर रमेशकुमार बस्नेत , सन्राइज बैंकका सञ्चालक समितिका सदस्य दीपक नेपाल र बैंकका प्रमुखकार्यकारी अधिकृत जनकराज शर्मा पौड्यालले संयुक्त रुपमा बैंकको उद्घाटन गरे । सोही कार्यक्रममा रमेशकुमार बस्नेत र दीपक नेपालले ए.टि.एम.को उद्द्धाटन गरेको बताइएकोे छ ।

मन्धली शाखासहित बैंकको शाखा सङ्ख्या १२२ वटा, ३८ वटा शाखारहित बैंकिङ सेवा ६ वटा एक्सटेन्सन काउनटर र १४२ वटा ए.टि.एम. मार्फत आफ्ना ग्राहकहरुलाई सेवाप्रदानगर्दै आइरहेको विज्ञप्तीमा जनाइएको छ । साथै बैंकले आफ्ना सेवाहरु विस्तार गर्ने क्रममा नेपालका अन्य स्थानहरुमा पनि थप शाखाहरु संचालन गर्दै जाने योजना रहेको पनि बताएको छ ।