हामी सबैकाे संसारन्यूज

२१ भाद्र, काठमाडौँ । शिक्षक सेवा आयोगले २०७६/०३/०२ गते प्रकाशित अध्यापन अनुमति पत्रको विज्ञापन बमोजिम दरखास्त फारम भर्ने उम्मेदवारहरुको प्रवेश पत्र प्रिन्ट गर्ने म्याद बढाएको छ । २०७६/०५/०२१ गते लेखि २०७६/०६/०१ गतेसम्म प्रदेशगत आधारमा समय निर्धारण गरिएकोमा अझैपनि कतिपय उम्मेदवारहरुबाट दरखास्त कायम संशोधनका लागि निवेदन आइरहेकोले विवरण संसोधन गर्ने म्याद थप गरिएको आयोगले सूचना जारी गर्दै जनाएको छ ।

प्रवेशपत्र प्रिन्ट गर्नुअघि आफ्नो विवरण प्रि–भ्यु गरेर हेर्न सकिन्छ । प्रि–भ्यु गर्दा आफ्नो फरक परेको पाइएमा भाद्र २५ गतेसम्म सच्याउन सकिने बताइएको छ । प्रवेशपत्रमा विवरण ठिक भए आफै प्रिन्ट गर्न सकिन्छ, यदि प्रिन्ट गर्न नसकेका उम्मेदवारहरुले सूचनामा उल्लेख भएअनुसारको विवरणसहित आयोगको इमेलमा पठाउन सकिने छ भने त्यस्ता उम्मेदवारहरुको प्रवेशपत्र असोज १ गतेपछि मात्र प्रिन्ट गर्न सकिने पनि सूचनामा जनाइएको छ ।