हामी सबैकाे संसारन्यूज

२२ भदौ, काठमाडौँ । स्थानीय तहमा कर्मचारी भर्ना प्रक्रिया अन्तिम चरणमा पुगेको बेला लोकसेवा आयोगले संघका लागि पनि नयाँ भर्ना प्रक्रिया सुरु गरेको छ ।

आयोगले करिब ५ हजार रिक्त दरबन्दीमा नयाँ भर्ना प्रक्रिया सुरु गर्ने भएको हो । संघीय तथा सामान्य प्रशासन मन्त्रालयले उपसचिव र सहसचिव पदका लागि आयोगमा माग पठाउने तयारी भएको मन्त्रालयले जानकारी दिएको छ ।

मन्त्रालयका अनुसार संघका लागि करिब ५ हजार पद रिक्त छन् । सम्पूर्ण विवरण संकलन भइरहेको संघीय मन्त्रालयका प्रवक्ता भूपाल बरालले जानकारी गराए ।

अहिले कहाँ कुन पद रिक्त छन्, विवरण संकलन गरिरहेका छौं,’ बरालले भने, ‘सबै विवरण आइसकेपछी एक हप्ताभित्रै आयोगमा सिफारिस पठाउँछौं । ’संघका लागि आयोगले दुई वर्षदेखि नयाँ भर्ना लिएको थिएन । समायोजन प्रक्रिया टुंगिएपछि आयोगले नयाँ भर्ना लिएको थिएन । नागरिक दैनिकबाट