हामी सबैकाे संसारन्यूज

२९ भदौ, काठमाडौँ । पछिल्लो समय कृषि योग्य जमिन सहरीकरण भएपछी काठमाडौँ उपत्यकावासी कौसी खेतीमा आकर्षित भएका छन् ।

महँगोमा किन्दा पनि विषादीयुक्त र सडेगलेका बासी तरकारी खान बाध्य सहरवासी अहिले कौसी खेतिमा आकर्षित भएका हुन् ।

बजारमा गुणस्तर र स्वच्छ तरकारी नपाइँदा आफ्नै छतमा तरकारी उत्पादन गरेर खान थालेका छन् । यस्तै, भक्तपुरको लोकन्थली घर भएका महेश शाक्यले आफ्नै घरमा कौसी खेती गरेर राम्रो उत्पादन गर्दै आएका छन् ।

महेश शाक्यले बजारमा विषादीयुक्त तरकारी आउन थालेपछि आफूले कौसी खेती गर्न थालेको बताए । शाक्यको भनाइअनुसार कौसी खेतीमा राम्रो उत्पादन हुन्छ । कौसी खेती थालेपछि बजारबाट कुनै पनि तरकारी किन्नु नपरेको शाक्य बताउँछन् ।

कौसी खेती गर्दा स्वच्छ तरकारी खान पाउनुका साथै घरको फोहोर व्यवस्थापन हुने र पैसा समेत बच्ने शाक्यको भनाइ छ । राजधानी दैनिकबाट