हामी सबैकाे संसारन्यूज

२९ भदौ, काठमाण्डौं । कैलालीमा आयोजना गरिएको डलफिल महोत्सवको कार्यक्रममा सहभागी हुन् सोमबार त्यहाँ पुगेका संस्कृति, पर्यटन तथा नागरिक उड्डयनमन्त्री मन्त्री योगेश भट्टराईले क्षमा मागेका छन् ।

शनिबार कार्यक्रम सकेर काठमाण्डौं फर्कदै गरेका मन्त्रीका कारण बुद्ध एयरको नेपालगन्ज–काठमाण्डौंको उडान केही समय ढिलो भएको थियो । मन्त्रीका कारण प्लेन रोकिनु परेको भन्दै जहाजभित्रै केही समुहले मन्त्रीविरुद्ध चर्को आवाज उठाएपछि मन्त्रीले आफूबाट यात्रुहरुमाथि पर्न गएको असुविधाप्रति क्षमा मागेका छन् ।

उनले आफ्नो सामाजिक संजालमा आफूबाट यात्रुमा पर्न गएको असुविधा प्रति क्षमापार्थी रहेको भनेका छन् ।

यस्तो छ समाजिक संजालमा उनले लेखेको स्टाटस्
‘आज कैलाली जिल्लाको टिकापुरमा आयोजना भएको डलफीन महोत्सबको कार्यक्रम सकेर बुद्ध एयरको धनगढीको अन्तिम उडानबाट काठमाण्डौ फर्कने मेरो योजना रहेको थियो । तर कार्यक्रम ढिला भएको कारण बुद्ध एयरसँग अनुरोध गरेर नेपालगंजको अन्तिम उडानबाट काठमाण्डौ फर्कनेक्रममा केहि ढिला हुन गएको सत्य हो । सबै यात्रुको बोर्डिङ भएको करिब १५ मिनेटमा हाम्रो टिमको बोर्डिङ भएको हो । भोली प्रतिनिधिसभामा माननीयहरुको प्रश्नको मैले जबाफ दिने कार्यक्रम रहेको कारण काठमाण्डौ फर्कनै पर्ने दबाबमा म थिए । नेपालगंज बिमानस्थलमा ३–४ जना ब्यक्तीहरु आक्रमक शैलीमा मेरा बिरुद्ध प्रस्तुत हुनुभयो । एकजनाले पारसका बिरुद्ध सातलाख हस्ताक्षर दरबारमा बुझाएर तैले हामीलाई कति दु:ख दिएको छस् ? त्यो हामीले कहाँ बिर्सेंका छौ र ?  सम्म भने । त्यो सुने पछि उनीहरुको नियत मैले बुझिहाले । सम्पूर्ण यात्रु तथा बुद्ध एयरले देखाएको समझदारीप्रति धन्यवाद ब्यक्त गर्दछु ।

मेरा कारणले यात्रुहरुमा पर्न गएको असुबिधाप्रति भने क्षमाप्राथी छु ।’