हामी सबैकाे संसारन्यूज

७ असोज, काठमाडौँ । क्षेत्रीय प्रहरी तालिम केन्द्र, नेपालगञ्जका प्रहरी नायव निरीक्षक देवराज बि.सी. माथि मुद्दा दायर गरिएको छ ।

प्रहरी नायव बि.सी.ले नेपाल प्रहरीमा नक्कली सर्टिफिकेट पेश गरी बढुवामा काम गर्ने भएकोले निजको सर्टिफिकेट छानविन गरी कारवाही गरीपाउँ भन्ने उजुरी आधारमा अनुसन्धान हुँदा निजले नेपाल प्रहरीमा बढुवा प्रयोजनको लागि पेश गरेको आई.ए तहको शैक्षिक योग्यताको प्रमाण–पत्र माध्यमिक शिक्षा परिषद्, वाराणसी, भारतबाट प्राप्त झुट्टा शैक्षिक योग्यताका प्रमाणपत्र पेश गरेको आरोपमा अख्तियार दुरूपयोग अनुसन्धान आयोगको टोलीले नियन्त्रणमा लिएको हो ।

अनुसन्धानको क्रममा निज बि.सी.ले उक्त कार्य गरेको पुष्टि हुन आएको हुँदा निजलाई सोही बमोजिमको सजाय हुन मागदावी लिई आज विशेष अदालत काडमाडौँमा आरोप–पत्र दायर गरिएको छ ।