Logo
१४ आश्विन २०७९, शुक्रबार
     Fri Sep 30 2022
E-paper
  English Edition
   Unicode
Logo

‘निर्वाचनका लागि सहमति आवश्यक’



१३ मंसिर, लहान । प्रमुख निर्वाचन आयुक्त डा अयोधीप्रसाद यादवले आगामी चैतमा स्थानीय निकायको निर्वाचनका लागि तत्काल नीति, मिति र सहमति आवश्यक रहेको बताउनुभएको छ ।

जिल्ला निर्वाचन कार्यालय सिरहाले आइतबार सदरमुकाममा आयोजना गरेको सर्वपक्षीय अन्तक्र्रिया कार्यक्रममा डा यादवले निर्वाचनका लागि आवश्यक ऐन कानुन, मिति र दलबीच सहमति भए निर्वाचन आयोग निर्वाचन गराउन तयार रहेको बताउनुभयो ।

निर्वाचनका लागि चाहिने ऐन, कानुन नहुँदा निर्वाचन आयोग नै अन्योलमा रहेकाले चैत महिनामा निर्वाचन हुने सम्भावना कम रहेको समेत उहाँको भनाइ थियो । केही राजनीतिक दलले अहिलेकै संरचनामा तथा केहीले नयाँ स्थानीय निकाय पुनःसंरचनामा निर्वाचन हुनुपर्ने तर्क राख्दै आएको चर्चा गर्नुहुँदै उहाँले निर्वाचनका विषयमा राजनीतिक दल आफैँमा स्पष्ट नरहेकाले अहिले दुविधापूर्ण अवस्था रहेको बताउनुभयो ।

उहाँले चुनावका लागि न्यूनतम १२० दिन आवश्यक रहेको तर्क गर्नुभयो । देश अहिले सङ्क्रमणकालीन अवस्थामा रहेकाले दलबीच सहमति आवश्यक रहेको बताउँदै उहाँले मुलुकमा देखिएका समस्याको समाधान गरेर मात्र निर्वाचनका लागि अगाडि बढ्नुपर्ने बताउनुभयो ।

निर्वाचनअघि ऐन बनाउनुपर्ने उल्लेख गर्दै त्यसतर्फ राजनीतिक दल गम्भीर नरहेको गुनासो गर्नुहुँदै डा यादवले स्थानीय निकाय निर्वाचन कार्यबिधि ऐन परिमार्जनका लागि गत साउन १७ गते नै संसद्मा पठाए पनि दलले अहिलेसम्म संशोधन गर्न नसकेकाले दल स्थानीय निकायको निर्वाचनप्रति गम्भीर नभएको उहाँको आरोप थियो ।


यो खबर पढेर तपाईलाई कस्तो महसुस भयो ?

काठमाडौं । कुमारी बैंकले आफ्ना ७ जना ग्राहकलाई बीमा सुविधा वापतको रकम प्रदान गरेको

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

काठमाडौं । सत्तारुढ दल नेपाली कांग्रेसभित्रको आन्तरिक विवाद चर्किएको छ । समानुपातिक निर्वाचन प्रणालीको