हामी सबैकाे संसारन्यूज

२७ कार्तिक, रौतहट । राजपुर बम विस्फोटको घटनामा जिल्ला अदालतमा विचारधीन मुद्दाका साक्षीहरुले धम्कीका कारण बयान फेर्न थालेको पाइएको छ । ती साक्षीले कांग्रेस सांसद एवं पूर्वमन्त्री आफ्ताव आलम पक्षको धम्की तथा प्रभोलनका कारण आफूहरुले प्रहरीमा गरेको बयानको प्रतिकुल हुने गरी अदालतमा निवेदन दिएको स्विकारेका छन् । दुई साक्षीले दबाबमा बयान फेर्न खोजेको खुलिसकेको छ ।

जिउँदै चिम्नी भट्टामा हालिएका भनिएका ओसी अख्तरकी श्रीमती आमना खातुनलाई गाउँलेले धम्क्याएर श्रीमान विदेशमा छन् भन्न लगाई अदालतमा अदालतमा निवेदन दिन लगाएको पाइएको छ । आमनका बुबा समसुल मियाँले प्रतिवादी आलमलाई बचाउन सिंगो गाउँ मिलेर बयान फेर्न लगाएको बताए ।

जिल्ला अदालत रौतहटको ४ नम्बर इजलासमा राजपुर बमकाण्डका आरोपित आलमविरुद्ध सोमबार थुनछेक चलिरहँदा न्यायाधीश दीपक ढकालनजिक पुगेर कानुन व्यवसायी सुरेन्द्रप्रसाद श्रीवास्तवले एउटा कागज दिन खोज्दा न्यायाधीश ढकाल अलमलिए । बुधबारको कान्तिपुर दैनिकबाट