हामी सबैकाे संसारन्यूज

कोलम्बियाको सरकार र त्यहाको सवै भन्दा ठूलो विद्रोही समूह रेभोलुसनरी आम्र्ड फोर्स अफ कोलम्बिया (फार्क) का वीचमा भएको शान्ति सम्झौतालाई कोलम्बियाको कंग्रेसले बुधबार पारित गरेको थियो । यस सम्भmौताको कारण कोलोम्बियाका ५० बर्ष भन्दा बढी समयदेखि जारी द्वन्द्वको अन्त्य भएको छ ।

महासचिवद्धारा जारी वक्तव्यमा झण्डै आधा शताब्दी लामो द्धन्द्ध अन्त्य गरी मुलुकलाई सम्बृद्धितर्फ लैजान यो शान्ति सम्झौताले सहयोग गर्ने विश्वास व्यक्त गरिएको उहाँका प्रवक्तले जानकारी दिनु भएको छ ।

“शान्ति प्रक्रियाका लागि संविधान नै मुख्य मेरुदण्ड हो, भबिश्यमा पनि शान्ति कायम गर्दै अगाडी बढ्ने हामीले विश्वास लिएका छौं,” वक्तव्यमा भनिएको छ ।

उहाँले शान्ति सम्झौतालाई कार्यान्वयन गर्न सम्वन्धित पक्षहरुले कडा मेहनेत गर्ने आशा पनि गर्नु भएको छ ।

हत्या हिंसा अन्त्य गर्न र शान्ति सम्झौताको फाईदाबाट लाभान्वित हुन पनि उहाँले सवैलाई आह्वान गर्नु भएको प्रवक्तले जानकारी दिनुभयो ।

महासचिव मुनले युद्धविरामलाई कायमै राख्न दुवै पक्षलाइ आह्वान गर्दै आफ्नो तर्फबार्ट पुरा सहयोग’ हुने बताउनु भएको छ ।

छुट्टै पत्रकार सम्मेलनमा सुरक्षा परिषद्ले पनि द्धन्द्ध अन्त्यको प्रयास स्वागतयोग्य भएको बताएको छ ।

परिषद्का सदस्यहरुले प्रतिबद्धता कार्यान्वयन गर्न र शान्ति स्थापना गर्ने कार्यतर्फ लागेकोमा कोलम्बिया सरकार र विद्रोही पक्षलाई बधाई पनि दिएका छन् । रासस÷सिन्ह्वा