Sansar News
९ मंसिर, रसुवा । गोसाईकुंण्ड गाउँपालिका-२ रसुवागढीस्थित नेपाल-चीन सिमानाबाट सुन जस्तो देखिने पहेंलो धातु ७ सय ४२ ग्राम सहित २ जनालाई सोमबार बिहान प्रहरीले पक्राउ गरेको छ ।
पक्राउ पर्नेहरुमा गोसाईकुंण्ड गाउँपालिका-१ थुमन बस्ने ४१ वर्षीया छो माया तामाङ र सोही ठाउँ बस्ने ३३ वर्षीया म माया तामाङ रहेका छन् । सिमा प्रहरी चौकी टिमुरेबाट खटिएको प्रहरीले चीनबाट नेपालतर्फ आउँदै गरेका उनीहरुलाई जाँच गर्ने क्रममा ६ वटा टुक्रामा रहेको उक्त परिमाणको धातु सहित फेला पारी उनीहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
वि.सं.२०७६ मंसिर ९ सोमवार १६:३५ मा प्रकाशित
