हामी सबैकाे संसारन्यूज

१५ मंसिर, काठमाण्डौं । दक्षिण एसियाली खेलकुद (साग) को १३ औं संस्करणको आजदेखि औपचारिक सुरुवात हुनेछ ।

खेलकुदको राष्ट्रपति विद्या देवी भण्डारीले उद्घाटन गर्नेछिन् । दशरथ रंगशाला त्रिपुरेश्वरमा गरिने उद्घाटन समारोह दिउँसो ४ः३० बजेदेखि सुरु हुनेछ । उद्घाटन समारोह झण्डै तीन घण्टा चल्ने बताइएको छ ।

यसलाई इभेन्टका हिसाबमा अहिलेसम्मकै ठूलो इभेन्ट मानिएको छ भने आयोजक नेपालले यसलाई भव्य बनाउनका लागि कुनैपनि कसर बाँकी नराख्ने भन्दै पूर्ण तयारी गरेको छ ।

उद्घाटन समारोहमा सातै देशको मार्चापास सहित नेपालको कला संस्कृति र पहिचान झल्कने सांस्कृतिक कार्यक्रम गरिने बताइएको छ ।
२८ खेल समावेस गरिएको सागमा ३२४ स्वर्ण, ३२४ रजत, ४८७ कास्य रहेका छन् भने उक्त खेलमा विभिन्न सात राष्ट्र ( नेपाल, भारत, बंगलादेश, भुटान, श्रीलंका, पाकिस्तान, मालदिभ्स) का ३ हजार खेलाडी सहभागी हुनेछन् । जसमा नेपाली खेलाडी ५९४ रहनेछन् ।

दक्षिण एसियाको ओलम्पिक मानिने दक्षिण एसियाली खेलकुद साग नेपालले यो सँगै तेश्रोपटक साग आयोजना गरेको हो । यसअघि सन् १९८४ र सन् १९९९ मा सागको आयोजना गरेको थियो ।