हामी सबैकाे संसारन्यूज

१६ मसिंर, काठमाडौँ । खाद्य व्यवस्था तथा व्यापार कम्पनीले अख्तियार दुरपयोग अनुसन्धान आयोगलाई कागजपत्र बुझाएको छ । ३ मसिंरमा राजधानीमा ‘ खाद्यका कर्मचारीको चरम लापरर्बाहीका कारण गोदाममै कुहियो लाखौं मूल्यको चामल’ शीर्षकमा प्रकाशित समाचारलाई लिएर अख्तियारले कम्पनीको छानबिनका लागि कागजपत्र बुझाउन निर्देशन दिएको थियो ।

अख्तियारले छानबिनका लागि खाद्य व्यवस्था तथा व्यापार कम्पनीलाई गत आइतबार पत्र पठाएको थियो । अख्तियारको निर्देशन अनुसार कम्पनीले अख्तियारलाई कागजपत्र बुझाएको हो ।

अख्तियारले कम्पनीलाई गोदाममा रहेको चामलको वार्षिक खरिद–बिक्रि विवरण र कुहिएको चामलको किसिम र परिमाण बुझाउन निर्देशन दिएको थियो । सोमबारको राजधानी दैनिकबाट