Sansar News
१८ मसिंर । रजश्वलाका बेला छाउ बार्ने चलन कर्णाली र सुदूरपश्चिममा मात्र होइन, गण्डकी प्रदेशमा पनि छ ।
मुख लुकाउनुपर्ने, अरुसँग बोल्न नहुने , छोइन नहुने , आफ्नो घरधुरी अनि दाजुभाइ देख्न नहुने भन्दै रजश्वला हुँदा किशोरीलाई कोठाभित्र राख्ने चलन यहाँका केही गाउँमा छ । पहिले छुट्टै ‘कटेरो ’ बनाई राखिन्थ्यो अहिले छिमेकमा लुकाइन्छ ।
सुन्दरबजार नगरपालिका ८ बलिथुमकी १३ वर्षीय सरिता परियार मंसिर १० गते पहिलोपटक रजश्वला भइन् । उनकी आमाले पैदल १५ मिनेटमा पुगिने आशिका परियारको घरमा पुराइन् । साँझ बिहान उनी आफैंले खाना पुराउँथिन् । १३ गते बिहान खाना पुराउँदा छोरी छिमेकीको कोठामै थिइन । साँझ भने भेटिइनन् ।
आशिका पनि घरमा थिइनन् । ‘ आशिकाले मेरी छोरी लिई हिँडिछे । यतिका दिन भयो, अहिलेसम्म पत्तो छैन , ’ शर्मिलाले भनिन् । बुधबारको कान्तिपुर दैनिकबाट
वि.सं.२०७६ मंसिर १८ बुधवार ०७:३३ मा प्रकाशित
