हामी सबैकाे संसारन्यूज

१८ मसिंर, काठमाडौँ । संघीय निजामती सेवा विधेयकमा विशेष परिस्थितिमा स्वास्थ्य सेवाका लागि आवश्यक प्राविधिक कर्मचारी करार सेवामा नियुक्ति गर्न सकिने व्यवस्था राखिने भएको छ ।

विधेयकमा निजामतीका अरु सबै समूहमा करार सेवा अन्त गर्ने प्रावधान राखिएपनि नागरिकको बाँच्न पाउने अधिकारसँग प्रत्यक्ष जोडिएको स्वास्थ्य सेवामा भने खुकुलो व्यवस्था गर्न लागिएको हो ।

प्रतिनिधिसभाको राज्य व्यवस्था तथा सुशासन समितिमा मंगलबार विधेयकमाथि भएको छलफलमा सांसदहरुले चिकित्सकलगायत प्राविधिक कर्मचारीको अभावमा स्वास्थ्य सेवा प्रभावकारी हुन नसक्ने भन्दै करारमा नियुक्त गर्न सक्ने प्रावधान राख्ने सहमति गरे । बुधबारको कान्तिपुर दैनिकबाट