Sansar News
१९ मङ्सिर, काठमाडौँ । प्रधानमन्त्री केपी शर्मा ओली एपेन्डिसाइटिसको शल्यक्रियापछि पूर्ण स्वास्थ्यलाभ गरेर त्रिभुवन विश्वविद्यालय, चिकित्साशास्त्र अध्ययन सस्थान मनमोहन कार्डियो थोरासिक भास्कुलर तथा ट्रान्सप्लान्ट सेन्टरबाट आज निवास फिर्ता हुँदै छन् ।
प्रधानमन्त्री ओलीका प्रेस सल्लाहकार सूर्य थापाले सो कुराको जानकारी दिएका हुन् ।“सेन्टरमा उपचाररत प्रधानमन्त्री केपी शर्मा ओली आज अपराह्न उक्त सेन्टरबाट डिस्चार्ज हुँदै छन्”, प्रधानमन्त्रीका प्रेस सल्लाहकार थापाले बताए ।
प्रधानमन्त्री ओली यही मङ्सिर १० गते एपेन्डिसाइटिसको शल्यक्रियाका निम्ति सेन्टर भर्ना भएका थिए ।
वि.सं.२०७६ मंसिर १९ बिहीवार १५:४७ मा प्रकाशित
